By Laerskool Mariepskop glo ons musiek bring mense bymekaar — en dis presies wat ons Riepie-koor doen. Ons koor is nog nuut, maar ons harte sing lankal saam. Hier is almal welkom, maak nie saak of jy al ooit voor ‘n gehoor gesing het of nie. As jy lus is om te leer, is daar vir jou ‘n plek in ons koor!

Ons leer elkeen hoe om met selfvertroue te sing — van basiese tegniek tot sameklank en verhoogoptrede. Saam oefen ons, lag ons, leer ons… en ja, soms sing ons sommer net omdat dit lekker is.

Dis nie net note en woorde nie — dis saamwees, spanwerk en die vreugde van musiek. Soos ons stemme groei, groei ons geloof in onsself ook.

By Laerskool Mariepskop se koor leer jy nie net om te sing nie — jy leer om jou stem te gebruik.