By die Riepies Nasorgsentrum verstaan ons dat die skooldag nie vir elke gesin eindig wanneer die skoolklok lui nie. Daarom bied ons ’n goed gestruktureerde en veilige nasorgprogram aan – ’n plek waar kinders met liefde en sorg ontvang word, en waar ouers met ’n geruste hart hul daaglikse verpligtinge kan nakom.

Ons nasorg is meer as net toesig. Dit is ’n verlengstuk van die skool se waardes en opvoedkundige benadering. Hier kry leerders die geleentheid om in ’n rustige en ondersteunende omgewing hul middag voort te sit. Ons fokus is op balans: akademiese ondersteuning, maar ook tyd vir speel en sosiale ontwikkeling.